LEGAZPI CITY-Kinuwestyon kan IBON Foundation an maluway na pag-respunde kan gobierno sa padagos na pagluya kan kantidad kan Piso kontra sa Dolyar sa nacion.
Susog sa pahayag ni IBON Foundation Executive Director Sonny Africa, na dae dapat ibasol ini sa nagkapirang kagyat na salik, kundi sa maluyang ekonomiya sa Pilipinas.
Huli suboot ini sa kulang an dolyar na pig kita kan nacion asin padagos an pag-angkat sa mga imports.
Sinabi pa ni Africa na bako sana ngonian nagbagsak an kantidad kan Piso, kundi pirang dekada na ining nangyayari.
Paliwanag niya na kun hihilingon an paghiro kan Piso sa kada aldaw, nasa labi P50 ini kan taong 2017, P43 kan taong 200O’s, asin P30 sana kan 1910’s.
Pinakarason suboot kan pagluya kan Piso an maluyang agrikultura asin industriya, asin warang produkto na pinagkaka-kitaan an nacion, afuera sa mga remittances kan mga Overseas Filipino Workers (OFW).
Tinawan doon man kan opisyal na sarong long-term problem ini asin kaipuhan an panghaluyang solusyon.
Mientras tanto, pigkakahaditan man an padagos na epekto kan importasyon nin mga produkto asin an paglangkaw kan inflation sa nacion, kun sain posibleng magpakol suboot ini sa 7% o 8% pag-abot kan taong 2027.
