LEGAZPI CITY-Pigkwestyon ni Caloocan City 2nd District Representative Edgar Erice an labi sa P4 bilyon na propwestong pondo para sa mga infrastructure projects sa primer distrito kan Ilocos Norte na pigrerepresentar ni House Majority Leader Sandro Marcos.
Basado sa datos hale sa sarong budget watchdog, naglangkaw nin P4.37 bilyon an propwestong pondo para sa Ilocos Norte 1st District Engineering Office sa budget na inaprobaran kan Kamara kumparar sa National Expenditure Program na isinumiter kan Department of Budget and Management (DBM).
Nanindugan si Erice na dapat magin patas an distribusyon kan pondo sa mga distrito asin pigkwestyon an padagos na pagtao nin bilyones sa nasabing distrito poon pa kan 19th Congress.
Hinagad man kaini sa Senado na ayuson an mga kuwestionableng pagbabago o soboot “insertions” sa propwestong 2027 national budget.
Mientrastanto, sinabi kan Palasyo na obligasyon kan mga lehislador sa hababang kamara na isulong an pag-uswag sa saindang mga distrito, basta magamit nin tama an pondo asin dae maduman sa mga ghost o substandard na mga proyekto.
