LEGAZPI CITY-Nagluway sa 2.3% an paglago kan ekonomiya kan Pilipinas o Gross Domestic Product (GDP) ikaduwang kwarter kan 2026, susog sa report kan Philippine Statistics Authority (PSA) kan Agosto 7.
Ini an pinakahababang pagluway kan ekonomiya sa nakalihis na limang taon, huli sa halangkaw na inflation, epekto kan sigalot sa Middle East, asin pagbaba kan mga pamumuhunan.
Sa sarong pulong balitaan naireport ni PSA chief at National Statistician Claire Dennis Mapa, na an 2.3% growth mas maluway kumparar sa 2.8% kan enot na kwarter kan presenteng taon.
Alagad, harayo ini kumparar sa 5.4% na nairehistro sa parehong panahon taong 2025.
Huli sa pagluway kaini, nasa 2.6% na sana an average na paglago kan ekonomiya para sa bilog na enot na semestre ngonian na taon.
Huli sa mga angat sa ekonomiya, ibinaba kan gobierno an bilog na target kaini sa 3.5% hasta 4.5% poon sa mas halangkaw na forecast.
