LEGAZPI CITY-Ibinuyagyag kan House prosecution panel an posibilidad na makalikay sa buwis si Bise Presidente Sara Duterte huli sa soboot P111.85 million na discrepancy sa pagultanan kan saiyang pigdeklarar kan ganansya asin deposito sa bangko poon 2022 hasta 2025.
Segun sa House prosecution spokesperson na si Zia Alonto Adiong, uminabot sa P174.96 million an kwarta na nakalaog sa bank accounts ni Duterte, kumpara sa P63.11 million na saiyang pigdeklara.
An mga kantidad nakabase sa pag-analisar kan eksperto sa forensic accounting na si Alexander Cabrera sa mga dokumento na iprinesentar sa panahon kan impeachment sa Senado.
Hinagad kan grupo kan piskalya ki Duterte na ipaliwanag an pinaghalian kan mga deposito asin kun pano ini naiiba sa saiyang ipinahayag na ganansya.
Si Duterte nagnegar nin anuman na sala, mantang an saiyang mga abogado pigkwestyon an mga ebidensya asin konklusyon kan prosekusyon.
Pighahagad kan piskalya ki Bise Presidente Sara na ipaliwanag an suboot P111.85 milyon na diperensya kan saiyang pigdeklarar kan ganansya sa kwarta na naglaog sa saiyang bank accounts puon 2022 hasta 2025.
Marurumdumang an Article II, an natatadang reklamo sa impeachment matapos na bawion kan prosecution team an tulong iba pang kaso.
An depensa nakatalagang magpresentar kan saindang ebidensya sa maabot na Nobyembre 9.
