LEGAZPI CITY-Nag poon nang magsagibo nin inspeksyon sa mga lugar ngani an Philippine National Police Legazpi ngani maasigurar an seguridad sa Undas 2026.
Segun ki Legazpi City Police Station Chief of Police Police Lieutenant Colonel Aldin Balagat, sa intrevista kan Bombo Radyo Legazpi na nagsagibo na sinda niin inspeksyon orog na sa city terminal kaiba an manlaen-laen na pwersa.
Kabale sa isinagibong inspeksyon an Bureau of Fire Protection (BFP), Philippine Coast Guard (PCG), asin mga LGUs ngani siertuhon na ligtas asin matoninong an Undas ngonian na taon.
Pig monitor na man ninda an mga pantalan, orog na an mga biyaheros na pasirng sa Rapu-rapu asin nakatalaang mag-deploy nin mga PNP personnel sa mga sementeryo.
Afuera digdi, padagos man an saindang patrolya sa mga residential areas asin iba pang “place of convergence” ngani siertuhon na salbado an mga harong enkaso mabiktima nin mga parahabon.
Sinabi kan opisyal na pirmihang insidente tuyong Undas an crimes against property huli ta kadakol an magbabakasyon asin mahale sa saindang residentials, siring man an gabat kan trapiko asin aksidente huli sa dagsa an mga biyaheros.
Pangapudan kan opisyal na magin mapag matyag asin siertuhon na nakakandado an mga harong bago magluwas asin kun posible, mag-utilize nin CCTV ngani mamonitor ini.
Siring man para sa mga magamit nin behikulo, siertuhon na warang importanteng kagamitan sa laog kaini na posibleng mahabon.
Nagpatanid man an kapulisan na sunudon an mga pinagbabawal na kagamitan sa pagbisita sa mga sementeryo.
