LEGAZPI CITY-Nagsangat nin kasong cyberlibel si dating National Security Adviser Clarita Carlos sa National Bureau of Investigation (NBI) laban kay Philippine Coast Guard spokesperson for the West Philippine Sea (WPS) Rear Adm. Jay Tarriela asin kay Philippine Military Academy Superintendent Lt. Gen. Michael Logico.
Kinumpirma ni NBI Director Melvin Matibag an pagsangat nin kaso ni Carlos huli sa mga social media post laban sa saiya.
Tinwan ninda nin atensiyon si Carlos kan ini magpasiring sa NBI kan nakaaging Biyernes, Oktubre 23.
Huli digdi, magpapadagra sinda nin surat kay Tarriela, Logico asin iba pang indibidwal ngani tawan nin linaw an reklamo sa saiya.
Pigsierto man ni Tarriela na saiyang sisimbagon an anumang surat na ipapadara kan NBI.
Marurumdumang pinuna ni Tarriela si Carlos huli ta inapod siyang naghahanap nin kariribukan makalihis na magpahayag nin batikos sa ginibong pag-angkin kan China sa kadagatang sakop kan West Philippine Sea.
