LEGAZPI CITY-Binawian nin buhay an sarong Bicolano Media Anchor sa Daraga Albay makalihis ining pagbabadilon sa laog kan saiyang pig-uupahang bakery.
Kinumpirma kan Albay Police Provincial Office (PPO) an pagkagadan kaini na binisto bilang si Adrian “Golden Boy” Loterte.
Naidalagan pa suboot ini sa ospital alagad binawian na ini nin buhay.
Susog sa pinaluwas na report kan pulisya, alas-5:35 nin hapon ngonian na aldaw nin Lunes, Oktubre 12, 2026, kan ideklarang wara nang buhay si Loterte.
Nangyari an insidente sa laog mismo kan saiyang bakery sa Barangay San Roque, sa banwaan kan Daraga, Albay.
Basado sa inisyal na report, pinaputukan suboot kan duwang dai pa nabibistong suspek an nasabing lugar asin tulos na nagdulag.
Sa presente, nagpapadagos pa an pigsasagibong imbestigasyon asin operasyon kan mga otoridad katakod kan nasabing insidente.
