LEGAZPI CITY-Nahiling sa kuha kan CCTV an sarong lalaking naka-bonet na nag-habon nin nasa P88,000 suboot sa opisina kan sarong convenience store sa Barangay 18, Cabangan sa ciudad kan Legazpi.
Segun sa Punong Barangay Rowena Olimpo sa intrevista kan Bombo Radyo Legazpi na nahiling ninda sa CCTV kan Barangay Hall an sarong lalaking naka-bonet alagad dai pa nabibisto an pagkakakilanlan kaini.
Basado sa inisyal na imbestigasyon, naglaag suboot nin agihan ngani makasakat sa convenience store an lalaki asin tulos na nag-agi digdi ngani makaduman sa opisina, dangan na nanghabon.
Segun suboot sa Kagawad kan barangay, naggamit nin gunting asin hinale an mga tornelyo ngani makalaog sa nasabing edipisyo, kun sain nakakua nin kantidad na P88,000.
Sinabi kan kapitan na pantulong beses na ining nangyari an insidente nin panghahabon sa nasabing convenience store.
Wara man suboot nin security guard digdi asin kadikit man sana an empleyado kaya nakampante suboot sa seguridad kan lugar.
Pinagtutubudan man na bako taga barangay an suspetchado sa nasabing insidente.
