LEGAZPI CITY—Nagtitinir na halangkaw an mga pasyenteng pig-admit sa Legazpi City Hospital ngunyan na bulan nin Setyembre.
Segun sa pahayag ni Legazpi City Hospital Administrator Dr. Michael Galan, na posibleng malagpasan pa an numero ngunyan na bulan kumpara kan nakalihis na Agosto.
Dugang niya na dakol man na kaso nin dengue na dae man nagpapabulong urog na kun light to moderate man sana an namamatean asin an iba an nagdidiretso na sa ibang ospital.
Pighayag pa ni Dr. Galan na sa ibong kan kadakol na strains an dengue kinakaipuhan man giraray na gibohon an gabos na preventive measures. Kun sain pinakaimportante an awareness kan kada miyembro kan pamilya nganing malikayan an nasabing helang.
Tinawan-doon man kan opisyal na en kaso na magkaigwa nin dengue kinakaipuhan na magsunod sa abiso kan doktor asin magpakonsulta kun makaeksperyensya nin sintomas kaini.
