Magtetenir sa detention sa The Hague si dating Presidente Rodrigo Duterte makalihis magdesisyon an Trial Chamber III kan International Criminal Court na warang makabuluhang pagbabago sa mga sirkumstansya na magtataong katwiran para sa saiyang paglaya.
Ipinaluwas an desisyon nagkapirang oras makalihis an enot na paghampang ni Duterte sa ICC sa ikatulong status conference kan saiyang kaso.
Segun sa mga trial judges, naglangkaw an posibilidad na maghampang su Duterte sa paglilitis asin kun mahahatulan, sa mas halawig na sentensya.
Huli digdi, sinabi kan chamber na igwang posibilidad na tumakas siya o makiaram asin makapagbanta sa imbestigasyon asin proceedings kan korte.
Tinawan duon kan ICC na makalihis isumiter kan prosekusyon an listahan kan mga testigo asin ebidensya, naipaluwas an pagkakabisto kan mga testigo asin pinaglalaoman an testimonya kan mga ini.
Segun sa chamber, pwedesir kaining dugangan an posibilidad kan panghihimasok sa mga testigo, direkta man o sa paagi kan pamilya o supporters ni Duterte sa Pilipinas.
Mientras tanto, nakabinbin pa an desisyon kan saiyang fitness to stand trial, sinabi kan mga hukom na warang pagbabago sa impormasyon sa mga report k an medical experts na bastante ngani na baguhon an presenteng detention ni Duterte.
Magtetenir ini sa ICC Detention Centre sa The Hague kun sain nakakulong puon kan maarestar.
