LEGAZPI CITY-Ipinahayag ni Dr. Gerardo Legazpi kan UP Philippine General Hospital (UP-PGH) sa Sandiganbayan’s 3rd Division na hababa na ngonian an peligro na atakihon sa puso si dating House Speaker Martin Romualdez.
Segun ki Dr. Legazpi, warang “unstable angina” an mambabatas.
Maayos man suboot an resulta kan stress test ni Romualdez asin dai na ini kaipuhan na ma-ospital alagad kaipuhan na sanang magin consistent sa pag-inom kan saiyang bulong.
Marurumdumang naaresto si Romualdez, asin nahahampang sa non-bailable plunder charge.
Gagamiton man an nasabing report nganing madeterminaran kun kaipuhan na magtenir si Romualdez sa PGH o kun pwedisir ining ilipat sa New Quezon City Jail sa Payatas, kun saen detenido an iba pang imbwelto sa flood control scam.
Mientrastanto, sinabi kan Bureau of Jail Management and Penology (BJMP) na tulos nindang ililipat si Romualdez sa Quezon City Jail kun ipagboot kan Sandiganbayan asin ideklarar na fit for transfer an mambabatas.
