LEGAZPI CITY-Uminabot an numero kan mga nagadan sa mga kaakian sa 1,002, na may labing 187,000 na naghelang huli sa malalang outbreak nin tipdas sa Bangladesh.
Susog sa US Centers for Disease Control and Prevention (CDC), an nacion an nakakaeksperyensya ngonian kan pinakadakulang outbreak kan tipdas sa bilog na kinaban.
An krisis nagpoon sa kakulangan nin bakuna na kawsa kan mga pagbabago sa polisiya asin kariribokan sa politika kan taong 2024 asin 2025.
Mantang 18 milyones na kaakian an nabakunahan sa laog nin sarong emergency drive kan Abril, mga apat na milyon an dai pa nabakunahan.
An mga ospital napapaatubang sa dagdag na kasakitan mantang sinda kasabay na nakikipaglaban sa paglangkaw kan mga kaso nin dengue sa bilog na nacion.
Mientrastanto, an mga health teams padagos na naghahanap kan mga aki na dai pa nabakunahan sa paghihingoa na mabawasan an bilang kan mga nagadan.
