LEGAZPI CITY-Nakapag-clamp nin labi sa 90 behikulo an Public Safety Office sa ciudad kan Legazpi poon September 7 hasta 8 sa presenteng taon.
Segun ki Legazpi City Public Safety Office (PSO) Head Octavio Rivero, sa intrevista kan Bombo Radyo Legazpi, na sa ibong kaini, nagkaigwa man nin magabat na daloy kan trapiko huli sa pagsarado kan Daraga-Legazpi road.
Nagresulta suboot ini nin problema asin naimbudo an mga behikulo kaya nadifisilan sindang manteniron ini sa ibong kan mga reklamo sa saindang serbisyo.
Tinawan doon ni Octavio na dai ninda pinunduhan hasta sa magin maayos an daloy kan trapiko sa lugar.
Komon na nagpopoon suboot an magabat na daloy kan trapiko sa lugar bandang alas 6:30 nin pagka-aga, kun sain kan nakalihis na aldaw naghaloy hasta alas 8:30 nin pag-kaaga an magabat na daloy kan trapiko digdi.
Padagos man suboot an saindang pigsasagibong serbisyo asin asistensya ngani mabantayan an mga naglalaog asin nagluluwas na mga behikulo sa ciudad.
Pangapudan ni Octavio sa gabos na magsunod sa batas-trapiko asin dai tulos magtubod sa mga parking attendant na magpadara sa mga pinagbabawal na lugar sa ciudad kan Legazpi.
