Kinuwestyun ni Senator-judge Erwin Tulfo kun nata kaipuhan na si Atty. Michael Poa an magsimbag sa mga kahaputan na may kinaaraman sa paghampang ni DepEd Special Disbursing Officer Edward Fajarda sa House of Representatives.
Hinapot kaya ni Atty. Benjamin Tolosa kun marurumduman ni Atty. Poa an dapit sa nagin kasimbagan ni Fajarda sa House Committee on Good Government and Public Accountability kan maghampang ini sa nasabing panel.
Antes an pag-kwestyon ni Tulfo, enot na man na nagpahayag nin objection si lead defense counsel Atty. Shiela Sison.
Segun ki Sen. Tulfo na solamenteng sinda Fajarda asin Rep. Jayjay Suarez an ipigpapahiling kan House panel sa korte.
Punto kan senador na garing pagsasayang sana ini sa oras kan korte.
Pinaburan man ni Sen. Chiz Escudero an obserbasyon kan saiyang kapwa-senator judge.
