An dating Special Envoy to China na su Jaime T. Cruz, na nagserbi sa irarom ni dating Presidente Rodrigo Duterte, an kaparehong persona na nakalista sa corporate records kan mga kumpanya na pigkokonektar ki Vice President Sara Duterte asin agom kaini na si Atty. Manases Carpio.
Ginibo ni Private prosecutor Erwin Matib an kumpirmasyon makalihis haputon ni Senator-judge Erwin Tulfo kun si Cruz, na naitalaga bilang special envoy to China for trade and investment an kaparehong persona na nakalista bilang incorporator o board member sa corporate records kan mga kumpanya na pigkokonektar sa bise presidente asin ki Carpio.
Positibo man ining kinumpirmar ni Matib.
Sa paghahapot ni Tulfo, nagluwas an pangaran ni Cruz sa corporate records kan Metro City Chow Foods Corporation, Great Jolly Times Food Corporation, Davao New Royal Taipan Foods Corporation, siring man sa Davao Emerging Taipan Corporation, asin Davao Bounty Times Food Corporation.
