LEGAZPI CITY-Sinaysay kan sarong Constitutional Law Expert, na klaro sa mga testimonya nina Office of the Vice President (OVP) Assistant Secretary and Assistant Chief of Staff Lemuel Ortonio asin si dating OVP special disbursing officer Gina Acosta na igwang misuse of confidential funds sa opisina sa irarom ni Vice President Sara Duterte.
Segun kay Constitutional Law Expert Atty. Michael Henry Yusingco sa intrevista kan Bombo Radyo Legazpi na malinaw sa nagin assessment sa nakaaging pagdangog, na nahiling an pinaka simbolo kan ruling ni Presiding Officer Senator Chiz Escudero na nagbabalgar an mga senador asin counsel sa rule 18 kun sain nagkokomento sinda sa mga merits kan trial.
Mientras tanto, wara man suboot masyadong nadadag para saiya an mga testigo, alagad sinabi kaini na importante an mga testimonya ni Ortonio asin Acosta sa governance partikular na sa good governance huli ta naipahiling na digdi na an kwarta kan banwaan, an dai suboot inalagaan kan mga pampublikong opisyal.
Nasa P125 Milyon kan mga nagbabayad nin buwis an nawara sana suboot sa laog nin 11 aldaw, asin dai mismo ini maipaliwanag kan mga custodian na sina Ortonio asin Acosta.
Nagpapahiwatig suboot ini na igwang maraot na patakaran sa gobierno urog na sa confidential asin intelligence funds.
Dagdag pa ni Yusingco na responsibilidad ninda ini huli ta igwang patakaran na pigsusunod, asin sinda mismo an nagbubusisi sa mga pondo.
Mapapatunayan sana suboot na sala an testimonya kan COA kun mai-pepresentar ni VP Sara an saiyang lado. Dugang pa ni Yusingco na sa nangyayaring impeachment trial, puro political theater, drama, name calling, asin pagpapakitang-tao an nangyayari.
Sa puntong ini, tinawan doon niya na nadidifisilan an publiko na mahiling asin maaraman an mga importanteng impormasyon
