Inapod kan House prosecution panel na “architect” asin “mastermind” si Vice President Sara Duterte sa pagkapot asin paggamit kan confidential funds kan Office of the Vice President (OVP), kasabay kan pag-kwestyon sa suboot pabago-bagong paliwanag kan ahensya na ipigladawan kan prosekusyon na posibleng sarong “scam.”
Binusisi ni counsel for prosecution Atty. Mae Divinagracia an mga rason kan paggamit kan confidential funds para sa mga surveillance activity asin an apat na magkakaibang bersyon kan OVP sa paggastos kan pondo.
Huli digdi, hinapot kan prosekusyon kung an pabago-bagong pahayag kan ahensya an indikasyon kan pag-utik o saro sanang scam.
Tulos man na pinugulan kan defense team an paggamit kan mga tataramon na ‘scam’ asin ‘nagsisinungaling,’ rason ngani na ipagsugo an pagbura kan mga ini sa opisyal na record kan paglilitis.
Sa suway na parte kan paghahapot, nagpresentar an prosekusyon kan mga dokumentong nagpapahiling na si Duterte suboot an mismong naghagad kan P250 million confidential funds, nagdesisyon kan kantidad na pighahagad, asin nagpirma sa mga dokumento para sa pagpapaluwas asin liquidation kan pondo-bagay na ginamit kan prosekusyon ngani na iladawan siya bilang “architect” asin “mastermind” kan bilog na operasyon.
Siring man, pinahali man sa record an nasabing mga pahayag makalihis an apela kan lado kan depensa.
