LEGAZPI CITY-Tinambakan kan Boston Celtics an Charlotte Hornets nin 39 big points sa laban ninda ngonian na aldaw nin Sabado, Nobyembre 7.
Dae nakapalag an Hornets sa dominanteng run kan 2024 NBA champion kun saen sa pagtatapos kan enot na quarter pa sana, nalasap na kaini an 20-point deficit.
Sa pagtatapos kan 3rd quarter, naglobo pa an tambak sa 39 big points, hasta sa tuluyang matapos an laban sa scores na 119-80.
Sa laog sana nin 29 minutos na kawat ni Boston star Jayson Tatum, nagibo niyang maka-shoot nin 34 points asin kumamada nin walong rebounds, siyam na assists, asin tig-sarong steal asin block.
Nagpauran man nin 3-pointers an koponan asin nailaog an 24 na tres poon sa 44 na pinakawalan kaini.
Nakagibo man ini sa paagi kan 53% 3-point shooting. Solamenteng 11 na tres sana an nai-shoot kan Hornets.
Dae man nakahanap nin simbag an Hornets sa episyenteng ipinahiling na kawat kan Boston kun sain solamenteng an beteranong forward na si Naz Reid an nakagibo nin double-digit score sa mga Charlotte starter, sa saiyang 14 points asin anom na rebounds.
Dae man nakaporma an forward na si Grayson Allen asin sa laog kan 22 minutos na saiyang pagkawat, wara na ining anumang nakuang puntos.
Ini na an ikapitong gana kan Celtics, kapot an duwang daog, mantang bitbit an naman kan Charlotte an record na 3-7.
