Estados Unidos, nag-ofresir nin $10-M reward ngani matukoy an lokasyon kan Islamic Revolutionary Guard Corps officers

LEGAZPI CITY-Nag-ofresir an US Department of State nin reward na sagkod sa $10 milyon para sa impormasyon na mataong giya sa kinamumugtakan kan limang pangenot na opisyales kan Islamic Revolutionary Guard Corps (IRGC).

Kabali digdi si Ahmed Vahidi, an commande kan Islamic Revolutionary Guard Corps ; Si Ali Abdollahi, pamayo kan Khatemolabia Central Headquarters; Sa’id Aghajani, an Islamic Revolutionary Guard Corps Aerospace Force UAV Commander; Hamidreza Lashgarian, na sarong Islamic Revolutionary Guard Corps Cyber ​​Electronic Command Chief; asin si Majid Khademi, an commander kan Intelligence Office.

An mga indibidwal suboot an nasa likod kan paglakop kan manlaen-laen na aktibidad nin terorismo sa bilog na kinaban.

Nagtutubod an US na permanenteng mabawasan an paglakop kan terorismo sa nacion sa pagdakop kan mga nasabing indibidwal.