LEGAZPI CITY-Nag-deploy an Estados Unidos kan saindang mga long-range bombers sa saindang mga home base sa Amerika kasunod kan sarong dai pa nadedeterminaran na bagong huma, segun sa sarong opisyal kan Estados Unidos.
An lakdang na ini nangyari pirang aldaw sana makalihis na arestaron kan gobierno kan Britanya an nagkapirang indibidwal na konektado sa sarong suboot plano kan Iran na nagpupuntirya sa airbase kan UK kun saen nakabugtak an mga eroplano.
An mga pinagkukuanan na pamilyar sa bagay na ini ilinadawan an pinakabagong huma bilang sarong “real world incident.”
Segun sa opisyal, pambihira sa militar kan Estados Unidos na ibabalik an mga bomber sa saindang mga home station imbes na ilipat o i-deploy an mga ini sa ibang base sa laog kan rehiyon.
Mientras tanto, wara pang komento digdi an UK Ministry of Defense sa bagay na ini.
