Nangapudan nin hustisya an mga magurang kan sarong 6-anyos na aking lalaki na nagadan makalihis suboot na sapakon kan saiyang paratukdo mantang nasa klase kan Biyernes, Agosto 21, 2026 sa India.
Basado sa mga report, nadagit suboot an paratukdo makalihis mahiling na kulang an assignment kan joven. Pinarani suboot kaini an estudyante, hinila sa kwelyo kan uniporme asin saka sinapak.
Mantang nakatindog sa hampang kan paratukdo, bigla suboot nawaran nin malay an joven asin bumagsak sa abaga kan saiyang paratukdo.
Tulos siyang isinugod sa ospital alagad kalaunan an idineklarang gadan.
Segun sa ama kan joven, malusog asin masignal an saiyang aki kan naglaog sa eskwelahan asin wara suboot na iniindang karamdaman.
Nagtutubod an pamilya na may kinaaraman sa pagkagadan kan joven an insidente nin pananampal, alagad dae pa iniluluwas kan mga otoridad an eksaktong kawsa kan saiyang pagkagadan.
Dae man tulos nakuwa kan pamilya an lawas kan joven huli sa pigsasairarom ini sa imbestigasyon.
Padagos an imbestigasyon kan mga awtoridad sa insidente, kabale an mga pangyayari antes asin matapos mawaran nin malay sa nasabing joven.
