Nagpasiring na sa India si Presidente Ferdinand “Bongbong” Marcos Jr. nganing mag-atendir sa 18th BRICS Summit sa New Delhi ngunyan na Setyembre 12 hanggang 13.
Inimbitaran si Marcos ni Indian Prime Minister Narendra Modi asin irerepresentar siya sa ASEAN sa summit bilang chair kan regional organization ngunyan na 2026.
Segun sa Presidente, ilalahad niya sa BRICS members an mga prayoridad kan ASEAN, kabale an katoninongan asin seguridad, inclusive growth, disaster preparedness, climate action asin mapayapang pagresolba kan mga alitan alinsunod sa international law.
Makikipag-olay man si PBBM ki Modi nganing idisktotir an progreso ng Philippines-India Strategic Partnership, kabale an defense asin maritime cooperation, trade and investment, health, digital cooperation, turismo asin direct air connectivity.
Nakatalaan man niyang liiwat na imbitaran si Modi na magbisita sa Pilipinas para sa ASEAN-India Summit asin East Asia Summit sa Nobyembre.
