LEGAZPI CITY-Nag-abot na sa New Delhi, India si Presidente Ferdinand R. Marcos Jr. nganing mag-atender sa ika-18 BRICS Summit ngonian na aldaw Setyembre 12 hasta 13.
An Presidente mapartisipar sa summit bilang Chair kan Association of Southeast Asian Nations (ASEAN) ngonian na taong 2026 asin bilang sarong imbitadong outreach country.
Piglalaoman na ipresentar ni Marcos an mga prayoridad kan ASEAN asin ibubusol an mas dakulang kooperasyon sa pag-ultanan kan mga nacion kan BRICS, partikularmente sa mga bagay na may kinaaraman sa komersyo, pamumuhunan, seguridad, food and energy security, asin climate resilience.
Importante man an partisipasyon kan Pilipinas sa summit, huli ta ini nagtatao nin oportunidad na mapakusog an relasyon kan ASEAN sa mga mayor na naguuswag an ekonomiya.
Apwera sa saiyang pag-atendir sa BRICS Summit, nakatalaan man na magkaigwa nin bilateral meeting si Marcos kaiba si Indian Prime Minister Narendra Modi nganing pag-olayan an mga isyung na parehong interes kan Pilipinas asin India.
An pagbisita ni Marcos sa India parte kan saiyang mga pakikipag-olay sa ibang nacion bilang pamayo kan ASEAN, kasabay kan pag-abante kan mga interes kan Pilipinas sa lado nin ekonomiya, seguridad, asin kooperasyon sa rehiyon.
