Ipigdoon ni House lead prosecutor asin Batangas Rep. Gerville Luistro na dae naguutik an mga numerong nakasaad sa bank accounts asin tax records ni Vice President Sara Duterte na inihampang sa Senate impeachment court.
Pahayag ini ni Luistro kan haputon mapadapit sa survey ng Social Weather Stations kan Setyembre, kun saen dakol suboot na Pilipino an dae nagtutubod sa mga alegasyon laban sa Bise Presidente. Segun sa lehislador, hale mismo ki Duterte an mga dokumentong ginamit kan prosecution panel sa Article II na nagtutukar sa unexplained wealth.
Kabale sa mga ebidensyang inihampang an tax asin bank records, siring man an mga kumpanyang iniuugnay ki Duterte asin sa saiyang esposo na si Atty. Manases Carpio. Basado man sa forensic analysis ni Atty. Alex Cabrera, labi P817.8 milyon an dae naideklara kan mag-agom sa Statement of Assets, Liabilities and Net Worth o SALN kan Bise Presidente, basado sa konserbatibong pagtaya.
Sa ibong kan resulta kan survey, nagpahayag si Luistro nin kumpiyansa sa gabat kan ebidensyang inihampang ninda. Kabale sa Article II allegations an dae suboot ganap asin honesto na pagdedeklara kan mga pagrugarin asin pagkakaigwa nin pinansyal na interes mantang nanunungkulan bilang Bise Presidente.
