LEGAZPI CITY-Maabot sa pitong katawo an nagadan makalihis na marumpag an sarong walong talampakang pader sa laog kan sarong ospital sa Bengaluru, India.
Susog sa mga report, kabali sa mga nagadan an sarong aki, apat na street vendor, asin duwang iba pang indibidwal gikan sa Kerala.
Tulo pang katawo an nairido asin presenteng pigbubulong sa ospital.
Napag-araman man an biglaang pagbabago sa panahon sa ciudad makalihis an pirang semanang matinding init asin halangkaw na humidity.
Siring man an makusog na pag-uuran, asin pag-uran nin nyebe sa nagkapirang lugar sa Karnataka, na pinagtutubudang nakaambag sa insidente.
Mientras tanto, nagresulta man an matinding pag-uuran lugar nin mga aberya arog kan pagbabaha asin pagbagsakan kan mga kahoy sa manlain-lain na lugar sa ciudad.
Padagos pang pig-iimbestigaran kan mga otoridad an kawsa kan pagbagsak kan pader mantang pigbubusisi pa an kabilugang danyos huli sa raot kan panahon.
