Gadan an pitong obrero mantang 13 iba pa an nairido makalihis an aksidente sa sarong tunnel kan pigpapatindog na hydropower project sa Uttarakhand, India.
Segun sa mga lokal na opisyal, biglaang naglaog an tubig asin mga debris sa laog kan tunnel kasunod kan pagguho kan daga, rason nganing ma-trap ang mga obrero sa laog kan construction site.
Sinabi ni Uttarakhand Chief Minister Pushkar Singh Dhami na nagpapadagos an sarong masinsinang rescue operation nganing maisalbar an mga obrerong nagtitinir nakulong sa tunnel.
Batay sa State Disaster Management Authority kan India, tulo pang obrero an nawawara.
Sa mga video na iniluwas kan lokal na gobierbo, mahihiling na naggagamit an mga rescue worker nin mga balsa asin head-mounted torches nganing maabot an parteng binaha kan tunnel.
Susog man ki National Disaster Response Force Commander Amrit Lal Meena, halangkaw na an lebel ng tubig sa laog kan tunnel kan pinuonan ninda an operasyon asin padagos pa ining naglalangkaw huli sa paglaog kan tubig hale sa mga gilid kan lagusan.
