Pinahigot kan mga otoridad sa India an seguridad sa kabisera kan Delhi kan Nobyembre 1, bago an mahewasang hiro protesta kan oposisyon na nangangapudan sa pagbubutas ni Chief Election Commissioner Gyanesh Kumar huli sa kontrobersyal na rebisyon kan mga listahan kan mga botante.
Nagpalakop nin kapulisan asin mga mga riot control vehicle, sa palibot kan Ramlila Maidan kun saen pangengenotan ni Congress party leader Rahul Gandhi ang protest rally.
Piglalaoman kan oposisyon na kadakol na katawo an mapartisipar sa protesta, na susundan nin haros 1.5 kilometer-march hale Central Delhi.
Nagpuon an mga protesta sa paghali kan labi 130 milyong pangaran sa voter lists puon kan nakalihis na taon, kabale an mga namaaram na, naglipat nin istaran asin dae mahanap na botante.
Pigdoon kan opisisyon na posibleng higit na naapektaran kan lakdang an mga Muslim asin iba pang minority group na bako komon na nagsusuporta sa Hindu nationalist ruling party na Bharatiya Janata Party o BJP.
Siring man, pignigaran kan Election Commission ang anumang pagkiling sa partido asin sinabing pwedesir magparehistro liwat an mag botanteng salang nahali sa listahan.
Mientrastanto, nagpatanid an Delhi Traffic Police sa posibleng pagsikip kan trapiko asin nagpaotob nin mga pagbabago sa ruta huli sa piglalaomang pagdagsa kan mga raliyista.
