LEGAZPI CITY-Namaaram na sa edad na 30 an singer na si Vanessa Blanca, na tampok sa saiyang hits kan 2010s na “DOTA o AKO”.
Kinumpirmar ini kan saiyang pinsan na si Ivy sa sarong post kan Miyerkules, Agosto 19, na nagsabi na binawian nin buhay si Vanessa makalihis an aksidente sa condominium kun saen siya nagtetenir sa Maynila.
Nagpaabot man nin pakikidumamay an saiyang mga amiga asin amigo, paryentes, asin gabos na nakamidbid asin nagpapadaba ki Vanessa.
An saiyang biglang pagkawara orog pang nakakakulog sa boot kan saindang bilog na pamilya nin huli ta siya man an unica hija o solong aking babayi kan saiyang ina na si Anabella.
Sa ibong kaini, an saindang pamilya naghagad sa gabos na tawan sinda nin panahon, espasyo, asin privacy mantang sinda nagmomondo sa pagkagadan ni Vanessa.
Si Vanessa na midbid sa pagpartisipar sa orihinal na bersyon kan “DOTA O Ako” kan 2011. An kanta nagin partikularmenteng popular sa mga Pilipinong tagahanga kan online computer game na DOTA sa panahon kan pinakapopular kaini kan 2010.
