Magpapadagos sa pag-arangkada an magtugang na Carlos asin Eldrew Yulo, na nangenot sa Team Philippines sa 2026 FIG World Artistic Gymnastics Championships na nagbukas kasuhapon, Oktubre 17, sa Rotterdam, Netherlands.
Target ni Carlos, na bagong nagkampeon sa floor exercise asin vault sa Paris Olympics, na dugangan an saiyang mga triyumpo makalihis makakua nin duwang gintong medalya sa Asian Games.
Mientrastanto, asam ni Eldrew na magpahiling nin impresibong performance sa saiyang debut sa senior world championships.
Magkalaban an magtugang sa qualification round sa Oktubre 18, aldaw nin Domingo, alas-kuwatro nin hapon.
Kabale sa kompetisyon an 24 na nasyon, na nag-aagawan nin mga puwesto para sa sunod na Summer Games.
