LEGAZPI CITY-Nalamos asin nagadan an duwang paraooma sa sarong salog kan Glamang, Barangay Anggas, Alabel, Sarangani Province, makalihis na magsagibo nin sarong ritwal na konektado suboot sa iriwal sa daga.
An mga biktima edad 69-anyos asin 49-anyos, na parehong residente kan Barangay Datal Anggas.
Basado sa mga report, nagkasundo an duwa na magsagibo nin ritwal kan Oktubre 16 nganing maresolberan an saindang iriwal manungod sa daga.
Segun sa impormasyon, naghaloy an duwa sa irarom kan tubig nin labi sa 10 minutos, na nagresulta sa saindang pagkagadan.
Tulos sindang idinalagan sa sarong ospital sa General Santos City, alagad parehong idineklara na dead on arrival.
Padagos man suboot an pigsasagibong imbestigasyon kan Alabel Municipal Police Station sa nasabing insidente.
Nangapudan man an nagkapirang representantes kan mga katutubo na magsagibo nin mabusising imbestigasyon manungos sa nabanggit na insidente.
Nagpahayag man sinda nin pag-respeto sa kultura asin paghanap nin mas matoninong na paagi ngani masolusyunan an anumang tensyon o iriwal.
Mantang, nananawagan an nagkapirang representante kan mga katutubo nin masusi na imbestigasyon sa insidente. Idinugang man ninda an kahalagahan kan pagrespeto sa kultura asin paghanap nin mas matuninong na paagi tanganing masolusyunan an mga iriwal
