LEGAZPI CITY- Ipig-oorgulyo kan pamayuhan kan Bicol University College of Medicine an trayumpo kan saindang mga estudyante makalihis makuwa an 100% overall passing rate sa October 2026 Physician Licensure Examination.
Nasa 40 na mga bagong licensed BUeño Physicians an nakaabot kan nasabing honra.
Segun ki Bicol University College of Medicine Dean Dr. Ofelia Samar-Sy sa intrevista kan Bombo Radyo Legazpi na dakulang trayumpo ini para sa mga passers asin magin sa nasabing institusyon.
Aminado an opisyal na bako madali an pag-abot kan honra asin dakol na mga sakripisyo an ginibo kan mga future physiciansfuture physicians asin an saindang pamilya.
Sa lado kan institusyon, sinabi kan opisyal na nakatabang an pagsabay nin mas dakol pang lectures asin remediation ngani na mapunuan kun ano pa an mga kulang sa saindang mga pamantayan.
Dagdag pa ni Samar-Sy na mapalad man sinda sa gabos na mga estudyante na naglalaog huli sa pagiging matali, mahigos, asin competitive kan mga ini.
Sa hudyan, tinawan duon ni Dr. Samar-Sy na bako ulang an pagtios sa pangaturugan na magin sarong doktor huli ta dakol na mga oportunidad an naghahalat sa mga ini.
