LEGAZPI CITY-Pinag-aandaman na kan Bureau of Fire Protection (BFP) Legazpi an posibleng matinding epekto kan Super El Niño sa ciudad.
Segun ki BFP Legazpi Public Information Officer Senior Fire Officer 2 Norman Andes, sa intrevista kan Bombo Radyo Legazpi, preparado an saindang ahensya asin nakalatag na an “Oplan Super El Niño”.
Nagsasagibo naman sinda nin preventive measures asin iba pang mga paghahanda, siring kan paghahanap nin mga posible asin alternatibong water resources enkaso mawaran nin suplay kan tubig an ciudad.
Siring man na pinag-aandaman ninda an darakulang kasulo tuyong tag-mara.
Padagos man an saindang monitoring sa mga barangay ngani makapagtao nin asistensya asin kaaraman manungod sa epekto kan El Niño.
