LEGAZPI CITY-Posibleng maglangkaw an presyo kan nagkapirang gulayon asin sira huli kan danyos na dara kan Habagat asin kan mga nakaaging bagyo sa mga omahan asin pangisdaan.
Segun sa datos kan Department of Agriculture (DA), uminabot na sa P1.4 billion an danyos hale sa mga nakaagingkcalamidad sa sektor nin agrikultura.
Huli kan makusog na uran asin pagbaha, naglangkaw an presyo kan nagkapirang gulayon sa Cordillera, Central Luzon asin Southern Tagalog.
Segun sa ahensya, naglangkaw sa P180 hasta P350 an presyo kan cauliflower puon P120 hasta P270.
An Baguio pechay nasa P40 hasta P150, mantang an carrots ngonian nag-aabot na sa P170 kada kilo.
Naglangkaw man an presyo kan repolyo, ampalaya, talong asin sita, siring man an presyo kan nagkapirang sira.
Nasa P400 na an kilo kan galunggong, mantang an milkfish nasa P160 hasta P320 an kilo asin an tilapia nasa P200 na an kilo.
Sa Benguet, nagkapirang mga paraoma an napiritan na itapok an saindang mga ani na carrot asin repolyo makalihis na mabulok ini mantang naghahalat na ihatod asin ipabakal sa La Trinidad.
Segun sa DA, igwa na nin asistensya para sa mga apektadong paraoma, kabale na an recovery loan packages ngani matabangan sindang makabangon.
