Nilinaw ni Lanao del Sur Rep. Zia Alonto Adiong na mantang pigrespeto kan House of Representatives an Office of the Vice President (OVP) sa pagdiskotir kan propwestong badyet kaini para sa 2027, dae ini nangangahulugang malilibre ang ahensya sa mahigot na paghapot kan mga lehislador.
Segun ki Adiong, may kaukulang pagrespeto asin courtesy ang Kamara sa OVP, alagad dae dapat magin rason ini nganing dae na kuwestyunon an mga orolay na may kinaaraman sa pighahagad na pondo kan opisina.
Kasunod ini kan paghahanda kan Kamara para sa pagdangog sa propwestong P785.2 milyong budget kan OVP para sa 2027, na mas mababa kumpara sa P889.23 milyong pondo kaini ngunyan na taon.
Sinabi man ni Adiong na piglalaoman asin naglalaom an Kamara na personal na mahampang si Vice President Sara Duterte sa budget deliberations, huli sa direchos kan mga representantes kan namamanwaan na maghapot mapadapit sa paggamit asin pangangaipuhan kan pondo kan sarong ahensya.
Nakatalaang idiskotir kan House Committee on Appropriations an propwestong budget kan ng OVP sa Setyembre 2, kun saen nakalista bilang kinatawan kan opisina si Chief of Staff Zuleika Lopez.
Magigiromdomang nagin sentro kan mga nakalihis na budget hearings ang paggamit kan pondo kan OVP, kabale an confidential funds, na saro sa mga orolay na nakapaloob sa presenteng impeachment trial laban kay Vice President Duterte sa Senado.
