LEGAZPI CITY-Itinumba kan Chicago Bulls an Milwaukee Bucks, sa scores na 125-104, sa saindang naging laban.
Dai nakontrol kan Bucks an Bulls, na nag-shoot nin 47% hale sa field, na pinangenotan kan forward na si Matas Buzelis.
An rookie forward nakapano kan stat sheet nin 19 puntos, 2 rebounds, 3 assists, sarong steal, asin sarong block.
An bench player na si Leonard Miller nagtao man nin dakulang tabang, na nagkontribwir nin 18 puntos, pitong rebounds, asin duwang steals nganing tabangan an Bulls na masierto an kapangganahan.
Nangibabaw an makusog an defense kan Bulls na kumamada nin 14 steals, na nagpirit sa Bucks na magkaigwa nin 30 turnovers sa bilog na kawat.
Sa sarong punto, an Bulls nagkaigwa nin bentahe na abot sa 34 puntos.
Para sa Bucks, an sarong doble-doble gikan sa rookie forward na si Ousmane Dieng nakagibo nin 10 puntos, 11 rebounds, asin 23-puntos na paghihingoa gikan sa reserba na si Kameron Jones.
Ini an ikatulong pagkadaog kan Bucks sa preseason, mantang an Bulls igwa na ngonian nin 2-2 na rekord.
