Nakapagrehistro nin double-digit na pagtalubo sa koleksyon kan buwis an Bureau of Internal Revenue (BIR) kan Setyembre 2026 makalihis umabot sa P203.581 bilyon an gross collections kan ahensya.
Mas halangkaw ini nin P20.056 bilyon o 10.93% kumparar sa kaparehong bulan kan nakalihis na taon basado sa enot na datos kan ahensya.
Segun ki BIR Commissioner Charlito Martin R. Mendoza na konektado ini sa magayon na performance sa boluntaryong pagbabayad nin buwis kan publiko asin sa pinakusog na tabang kan mga regional asin support units kan BIR.
Huli digdi, uminabot na sa kabilugan na P2.465 trilyon an nakolektar na buwis kan ahensya sa enot na siyam na bulan kan 2026, na mas halangkaw nin 5.58% kumparar sa parehong panahon kan 2025.
Sinabi ni Mendoza na dakula an nagin tabang kan mga reportma sa irarom kan BIR DARES agenda, siring kan Taxpayer Portal asin mga BIR C.H.A.T. activities, ngani na gibuhon na mas marikas asin mas magaan an pagbabayad nin buwis.
Dugang pa kan opisyal na an mga proramang ini an obheto na irani an serbisyo kan gobierno sa mga namamanwaan asin maglatag nin mas magayon na kapalibutan para sa mga negosyo.
