LEGAZPI CITY-Nag-abot na sa 6.3% an inflation rate sa provincia kan Albay para sa bulan nin Setyembre ngonian na taon, susog sa pinakahuring datos kan Philippine Statistics Authority (PSA).
Segun kay PSA Albay Chief Statistical Specialist Cecil G. Brondial, nagrikas an inflation rate sa provincia poon sa 5.5% kan bulan nin Agosto asin sa 1.7% kan bulan nin Setyembre kan nakaaging taon.
Nasa avarage 4.9% inflation rate ini poon kan bulan nin Enero ngonian na taon.
Pangenot na rason kan marikas na paglangkaw kan inflation sa provincia, iyo an halangkaw na presyo kan mga food and non-alcoholic beverages na nasa 5.2% o katumbas nin 60.9 % sa kabilugang shares kan inflation sa bilog na provincia.
An naka-ambag digdi, iyo an mga fish and other seafoods na igwang 7%, partikular nA an Tamban, Vegetables, Tubers, Plantings, Cooking Bananas, na nasa -0.6% partikular na an Talong.
Enot na nag-ambag sa mga ini, an meat and other sluttered land animals na igwang -10% patikular na an karneng Manok.
Panduwang rason kan marikas na pagsakat kan inflation rate, an paglangkaw kan presyo kan mga restaurants and accomodation services na nasa 2.5% asin igwang 8.3% shares sa kabilogang inflation.
Naka-ambag digdi an restaurants, cafe asin iba pa na igwang 2.5%.
Pangtulo sa rason kan marikas na pagsakat kan inflation rate sa provincia, iyo an paglangkaw kan presyo kan housing, water, electricity, gas, asin fuel na igwang 9.5% o 7.9 shares sa kabilugang inflation.
Pangenot na naka-ambag digdi an presyo kan kuryente na nasa 34.6%.
Basado pa sa ahensya, nangengenot na ambag sa lebel kan inflation an mga food and non-alcoholic beverages, kun sain naka-ambag digdi an minasunod: cereals and non cereal products 19.8%; Seafood 7%; asin fruits and nuts na igwang 8.6% inflation.
