LEGAZPI CITY-Sinabi ni Senate President Sherwin ”Win” Gatchalian na suportado niya an planong Pax Silica Industrial Hub, alagad nanindugang kaipuhan munang matugunan an nagkapirang kondisyon bago ini maipaotob.
Sa pagdangog kan Senado kan Biyernes, sinabi ni Gatchalian na may mga kaakibat na peligro asin kondisyon an proyekto na dapat pag-olayan asin siertuhon na mapoprotehiran an interes kan nacion.
Segun sa senador, importanteng mapangatamanan an direchos kan mga lokal na komunidad na posibleng maapektaran kan proyekto, partikular na an mga residente sa Tarlac.
Kaipuhan man suboot na siertuhon an bastante asin matatag na suplay kan tubig asin kuryente para sa operasyon kan industrial hub.
Tinawan doon man ni Gatchalian an importansya kan technology transfer, ngani bako sana mga dayuhang kumpanya an makinabang sa proyekto kundi magkaigwa man nin tsansa an mga Pilipino na maukudan asin makakua nin mas halangkaw na lebel sa kasanayan.
Iniladawan man niya an Pax Silica bilang posibleng magin dakulang lakdang sa pagbabago kan industriya sa nacion.
Mientras tanto, nagkapirang environmental groups an nagpahayag nin pagtutol sa proyekto huli sa pagkahadit na posibleng magkaigwa ini nin epekto sa kapalibutan asin magkawsa nin displacement sa nagkapirang residente sa Tarlac.
Segun kay Gatchalian, kaipuhan nin balanse sa mga oportunidad na resulta kan proyekto asin an posibleng peligro kaini bago tuluyang iimplementar.
