LEGAZPI CITY-Dinagdagan kan gobierno kan Pilipinas an fuel discounts para sa mga drivers kan pampasaherong jeep asin UV Express.
Segun kay Executive Secretary Ralph Recto, na magiging P12.00 na kada litro an fuel discounts poon sa dating P10.00.
Magigin epektibo ini poon Agosto 15 kun sain makakatipid suboot an mga drivers nin hasta P1,800 kada semana.
An desisyon ngani palawigon an fuel discount para sa mga operators asin drivers kan PUB asin napagkasunduan matapos an isinagibong
Cabinet meeting kan Martes, Agosto 4 sa Malacañang asin sa kasuguan na man ni President Ferdinand Marcos Jr.
Dai man binanggit kan opisyal kun hasta nuarin ini maghahaloy asin kun maggurano an itinagama kan gobierno para sa P12 fuel discount program.
Enot nang sinabi kan Palasyo na magtatapos ngonian na bulan kan Agosto an nasabing pigpapaotob na P10 fuel discount.
Kinumpirma man ini ni Palace Press Officer USec. Claire Castro na poon Agosto 15, ipapaotob an P12 fuel subsidy para sa mga tsuper kan public utility vehicles (PUVs).
