LEGAZPI CITY-Matagama an administrasyon ni Marcos nin dagdag na P300 milyones nganing matapos an konstruksyon kan Bukidnon Airport sa Don Carlos, Bukidnon sa taong 2027.
Personal na pig-inspeksyunan ni Executive Secretary Ralph Recto an nagpapadagos na konstruksyon kan airport sa Barangay Maraymaray.
Segun ki Recto, obheto ni President Ferdinand Marcos Jr. na matapos an proyekto ngani na makamukna ini nin trabaho, makagagyat nin investment asin mas dakul na turista.
An aeropuerto igwa nang total na P3.17 bilyones na pondo, kabale na an P1.36 bilyones hale sa administrasyon ni Marcos.
Kun idadagdag an propuestong P300 milyones, maabot sa P1.66 bilyones an total na pondo na itinagama kan administrasyon.
An nasabing airport igwa nin 2,100 metros na runway na pwedisir mag-akomodar nin darakulang commercial aircraft arog kan Airbus A320.
Igwa man ini nin pasaherong terminal na pwedisir mag-akomodar nin sagkod sa 425 na pasahero.
Piglalaoman na maparikas kan aeropuerto an paglipat kan mga produktong Bukidnon arog kan pinya, batag, mais, kape, asukar asin livestock pasiring sa mas darakulang merkado.
