LEGAZPI CITY-Ipighayag ni AKB Partylist Representative Cong. Alfredo Garbin na magagampanan ni dating Albay 2nd District Rep. Joey Salceda an saiyang tungkulin bilang bagong Presidential Legislative Liaison Office (PLLO) sa irarom kan aministrasyon ni President Ferdinand Marcos Jr..
Segun sa opisyal sa intrevista kan Bombo Radyo Legazpi na bilang sarong beteranong lehislador, “perfect fit” suboot digdi si Secretary Joey Salceda.
Dugang pa niya na siya igwang magkakanigong kaaraman asin bilang kalihim sa hiling niya magagampanan niya ini huli sa saiyang expertise asin legislative knowledge.
Sinabi pa kan opisyal na ini sa pagbusol kan mga prayoridad na ley kan Presidente asin mga prayoridad kan Senado asin Kongreso.
Dakulang tabang man suboot siya bilang dating miyembro kan Kongreso sa pakikipag-koordinar sa Senado asin Kongreso.
Pinaglalaoman ni Garbin, na matugunan an mga local bills an ma-benipisyo sa Bicol Region, siring man an gabos na namamanwaang Pilipino.
