Suportado suboot kan mayorya kan Senado an pagsisikap ni Senate Finance Committee Chairperson JV Ejercito na halion sa propuestong 2027 budget an mga kwestyonable asin posibleng pagpuunan nin korapsyon na alegasyon, segun ki Sen. Panfilo “Ping” Lacson.
Sa pahayag ni Lacson, sinabi kaini na nagkakasararo an mga senador sa pagsusuri sa propuestong pondo ngani na masierto na mahahali an mga alokasyon na wara suboot na bastantengt basehan asin posibleng magamit sa korapsyon.
Dagdag pa ni Lacson na bako sana paghahali sa mga kuwestiyonableng alokasyon an obheto kan pagsusuri kundi ngani na masierto man an transparency sa bilog na proseso kan pagbilog kan pambansang pondo.
Tinawan duon niya na warang dapat magingt exception sa pagsusuri sa mga gastuson kan gobierno.
Segun sa senador na “All means all,” na nagpapahiwatig na gabos na kahina-hinalang alokasyon an dapat mapag-adalan anuman an pinaghalian o kun siisay man an posibleng makinabang digdi.
Enot na man na sinabi ni Lacson na warang dapat palagpason an Senado sa pagtatama kan mga kuwestiyonableng alokasyon sa bersyon kan propuestong pondo na ikinasar kan Kamara de Representantes, kaibanan an mga proyektong pwedesir na maikonektar sa mga tawong ugos sa presidente.
Alagad wara siyang naaaraman na miyembro kan mayorya na naglaog kan saindang proyektong pinapaboran sa propuestong pondo, sinabi ni Lacson na namamatean niya an pagkakasararo kan saindang mga pag-iriba basado sa saindang mga naging pag-oolay.
Sa tahaw kan pag review sa 2027 budget, pinaglalaoman na magiging importanteng orolay sa Senado an pagtukoy asin paghali sa mga alokasyon na warang bastanteng katwiran, kasabat kan pagbubusol kan mas bukas asin malinaw na proseso kan pagtagama nin pondo kan banwaan.
