LEGAZPI CITY-Ipighayag ni Senator Panfilo “Ping” Lacson na igwang nahiling suboot sindang na nagkapirang“kwestyonable” na lump sum appropriations para sa infrastructure projects sa propwestong P7.2-trillion 2027 national budget.
Segun kay Lacson, hahagadan ninda nin detalye asin paliwanag an mga ini, na posibleng pag-olayan sa Development Budget Coordination Committee (DBCC) briefing sa Agosto 27.
Ipinaliwanag niya na an lump sum appropriation an kabilugang pondong itinagama sa sarong proyekto o programa nin warang detalyadong breakdown kan gastos.
Sinabi pa niya na katanggap-tanggap ini para sa calamity funds, alagad nagigin kwestiyonable ini kun para sa infrastructure projects.
Dugang pa ni Lacson na bubusisihon ninda an budget para sa posibleng special provisions na posibleng magamit sa pag-abuso sa unprogrammed appropriations.
Mientras tanto, pigsierto man ni Senate Finance Committee Chairman JV Ejercito na dai niya tutugutan an mga mga budget insertion sa bicameral conference committee kun wara an mga ini sa budget version kan Senado o kan House of Representatives.
