Tinanggal na kan Department of Agriculture (DA) ang paramientras na ban sa pag-angkat nin mga hayop na madaling mahawa kan foot-and-mouth disease (FMD) asin mga katakod na produkto hale sa Hungary.
Sinabi kan ahensya na kasunod ini kan desisyon kan World Organization for Animal Health (WOAH) na ibalik an FMD-free status kan Hungary containment zone makalihis kaining makumpirmang nagsusunod ini sa international animal health standards.
Naenot na ipinaotob an suspensyon sa pag-aangkat sa irarom kan ng DA Memorandum Order No. 16, series of 2025, bilang pag-iingat kasunod kan FMD outbreak sa Hungary.
Sa irarom man kan bagong Department Circular No. 34, pwedesir na liwat mag-angkat hale sa Hungary nin FMD-susceptible animals, karne, asin iba pang produktong gikan sa mga hayop.
Nilinaw kan DA na magtitinir na isasairarom sa umiiral na sanitary asin veterinary regulations kan ahensya an gabos kan malaog na kargamento.
Magkakaigwa man nin bisa an bagong orden 15 aldaw makalihis ining mailathala sa opisyal na website kan DA asin mairehistro sa Office of the National Administrative Register.
