Kinasuhan kan Office of the Ombudsman si dating Overseas Workers Welfare Administration (OWWA) Administrator Arnell Ignacio nin Usurpation of Official Functions katakod kan kontrobersyal na P1.4 billion property acquisition ng ahensiya.
Segun ki Department of Migrant Workers (DMW) Secretary Hans Leo Cacdac, natanggap kan saindang opisina kan Hulyo 7, 2026 ang resolusyon ng Ombudsman na may petsang Hunyo 19, 2026.
Basado sa resolusyon, pinirmahan suboot ni Ignacio ang contract to sell, deed of absolute sale, asin an kaugnay na addendum kan transaksyon. Inaprubaran man suboot niya an pagpapaluwas nin pondo kan gobierno maski wara suboot na permiso hale sa OWWA Board of Trustees.
Segun pa sa Ombudsman, naghiro si Ignacio na gari igwa siyang kapangyarihan gikan sa OWWA Board maski batid niyang wara siyang nasabing awtoridad. Huli digdi, sinabi kan ahensya na bako sana ini simpleng administrative non-compliance kundi sarong pagbalgar na laog sa krimen kan Usurpation of Official Functions.
Naaraman man sa resolusyon na an kawaran kan pag-apruba hale sa Board an bako sana teknikal na pagkukulang, kundi sarong pag-iwas sa institutional oversight asin transparency na itinakda sa OWWA Charter.
Ipinaliwanag ni Cacdac na ang nasabing kaso an pwedesir magresulta sa pagkakakulong puon anom na bulan hasta apat na taon, depende sa magiging desisyon kan korte. Sinugo na man kan Ombudsman ang pagsunad nin kaukulang impormasyon laban kay Ignacio.
Mientrastanto, sa hiwalay na parte kan resolusyon na tumalakay sa mga reklamo katakod kan pagbalgar sa Anti-Graft and Corrupt Practices Act, malversation of public funds, asin plunder.
Siring man binasura kan Ombudsman ang mga corruption complaint laban sa pirang dating opisyal kan OWWA asin mga pribadong indibidwal na imbuelto sa pagpapabakal nin daga.
Sinabi ni Cacdac na magsusumite ang DMW nin Motion for Reconsideration nganing hagadon sa Ombudsman na liwat na surion an mga nasabing reklamo.
