Laog na sa Round of 16 an France sa nagpapadagos na FIFA World Cup 2026 makalihis nindang tambakan an Sweden, 3-0, sa Round of 32.
Dominado kan Les Bleus (lay bluh) an laban puon pa sa first half, kun sain binasag ni Kylian Mbappé an deadlock sa ika-45 minuto sa paagi kan marikas na sipa hali sa walang parte kan penalty area.
Sa second half, urog pang nabaon an Sweden kan maipalaog ni Bradley Barcola an bola sa ika-52 minuto sa tabang kan Michael Olise.
Sinelyuhan kan France an pagkagana sa ika-74 minuto kan liwat na makapuntos si Mbappé hali sa pasa ni Olise, ngani na makumpleto an saiyang brace.
Huli digdi, nagsakat si Mbappé sa ika-duwang pwesto sa all-time leading scorers kan FIFA World Cup na igwang kabilugan na 18 goals, sarong puntos sana an agwat ki Lionel Messi.
Afuera digdi, kapot man niya an bagong rekord para sa pinakadakol na knockout-stage goals sa historya kan torneyo na igwang sampulo.
Masunod na makakahampang kan France an Paraguay sa Hulyo 4 para sa Round of 16.
