LEGAZPI CITY-Opisyal nang pig-turn over kan Local Government Unit kan ciudad kan Legazpi an mga Metal detector sa Schools Division Office sa ciudad ngani pakusugon asin pahiwason pa an safety measure sa mga eskwelahan.
Segun kay Schools Division Office of Legazpi Spokesperson Santi Araña, sa intrevista kan Bombo Radyo Legazpi na dakulang tabang ini huli ta dati daing gamit ngani ma-detect an anumang bagay sa laog kan bag kan mga bisita sa eskwelahan asin mga estudyante.
Parte ini kan safety measure kan sa ciudad para sa mga estudyante asin paratukdo ngani maibitarab an mga nangyari sa ibang lugar.
Nasa 56 na mga Metal detector an pig-turn over bilang procurement kan lokal na gobierno.
Kasunod kaini, magkakaigwa pa nin mga orientation kun papano iimplementar ini ngani maaraman an limitasyon sa paggamit asin kun pano ini ipapaotob, siring man kun sisay an mamantenir asin magigin responsable kan nasabing kagamitan.
Dagdag pa kan opisyal na maagi pa ini sa pag-oolay asin proseso ngani maibitaran an anumang insidente sa pag-abot kan panahon.
