Arestado an rank number 10 drug personality kan Bicol region sa ginibong buy-bust operation sa Purok 7, Barangay 69, Buenavista, Legazpi City.
Binisto an naarestar na si alyas “Pale”, 42-anyos, lalaki, construction worker, asin residente kan Guinobatan, Albay.
Naarestar ini sa operasyon kan Philippine Drug Enforcement Agency (PDEA) Regional Office 5, PDEA RO5 Regional Special Enforcement Team 1, Airport Interdiction Unit, Legal and Prosecution Unit (LPU), asin PDEA Albay Provincial Office.
Nakumpiskar sa operasyon an nasa 25 gramo nin pigtutubudang shabu na may standard value na P170,000.
Mahahampang an suspek sa kasong pagbalgar sa Section 5, Article II kan Republic Act 9165 o Comprehensive Dangerous Drugs Act of 2002.
