LEGAZPI CITY-Aksidenteng nadiskubre an nasa 2.7 tonnes nin cocaine sa sarong underground bunkers sa shipping containers sa Londonderry, Western Sydney, Australia.
Segun kay Bombo International Correspondent in Australia Denmark Suede, sa intrevista kan Bombo Radyo Legazpi na nangyari ini kan Hunyo 19 kun sain igwang naaksidente asin nasulong truck sa state of Queensland, mga walong kilometro an distansya hale sa Sydney.
Digdi nadiskubre an nasa 40 kilos nin cocaine kun sain na-trace an property kaini sa downtown Sydney asin nakumpiskar an nasa 2.7 tonnes nin cocaine.
Sinabi man ni Suede na an cocaine sa Australia an pangtulo sa bilog na kinaban na may pinakamahal per gramo, panduwa sa Saudi Arabia, asin pangenot sa casin Abu dhabi.
Nasa 300-350 australian dollar per gram an cocoine sa Australia mantang sa Amerika, nasa less than 200 dollar.
Mahigot suboot an direktiba pagabot sa cocaine sa Australia, kun sain taong 2023-2024 igwang nadakop na nasa 33.7 tonnes nin gabos na klase nin droga, nasa 11 tonnes digdi an shabu asin 5.6 tonnes naman an cocaine.
Dagdag pa ni Suede na an consumption kan publiko sa Australia nasa 8 tonnes kada taon, alagad kun ikukumparar sa Pilipinas, mas dakul an crime rate digdi kaysa sa Australia.
