LEGAZPI CITY-Naglansar an Department of Education (DepEd) asin gobierno kan Australia nin P1.6-bilyong programa na obhetong mapatibay an kalidad kan Senior High School (SHS) asin ihanda an mga estudyante sa trabaho o mas halangkaw na edukasyon.
Pinangenotan ninda Education Secretary Sonny Angara asin Australian Foreign Affairs Minister Penny Wong an paglalansar kan ng Education Quality for Inclusive Prosperity (EQUIP) program.
Maghahaloy ini poon 2025 sagkod 2030 sa pakikipagtabangan kan Technical Education and Skills Development Authority (TESDA).
Susuportaran man kan programa an work immersion, pageensayo kan mga paratukdo, literacy asin numeracy interventions, asin pakikipag-koordinar sa mga industriya ngani mas magin handa an mga SHS graduates sa pangangaipo sa labor market.
